Khane Pine Ka Sahi Tarika Islam mein kya hai.Hadith ki Roshni me. ll Khane pine ka Sahi Tarika. ll The Right Way Of Eating & Drinking In The Light Of Hadith. ll

Khane Pine Ka Sahi Tariqa Hadiths Ki Roshni Me

Hindi  ll  Urdu

Hadith no 1:-  Hazrat-e-Huzaifa Radi Allahu Ta'alaa Anhu se marwi hai, ke Rasool Allah SWL ne farmaya ke Jis khane par Bismil-Allah na padhi jaaye, Shaitan keliye wa Khana Halaal hojata hai.
[ Yaani Bis-millah na Padhne ki soorat me Shaitan us khane me sharik hojaata hai.]

[ Saheeh Muslim Sharif ]

Hadith no 2:-   Hazrat-e-Jaabir Radi Allahu Anhu se marwi hai ke Huzoor Aqdas SWL ne farmaya Jab koi shakhs Makaan me ayaa Aur Dakhil hote waqt Aur Khane ke waqt Usne Bis-millah padhliya, To Shaitan apni team se kahta hai ke is ghar me na tumhe rahne ki jagah milegi nahi khana mile gaa.
Aur jo shakhs Ghar me Dakhil hote waqt aur khana khate samay Bis-millah na padhi to Shaitan kahta hai Ab tumhe tahne ki jagah Aur khane ko mil gayaa.

[ Saheeh Musleem Shatif ]

Hadith no 3:-  Hazrat-e-Aayesha Radi Allahu Anha se Rawi hai ke Huzoor SWL ne farmaya, Jo koi shakhs khana khaye to Allah ke name se shuru kare [Yaani Bis-millahi-Rahmanir-Raheem Padhe]

Aur Agar Shuru me Bis-millah Padhna Bhool jaaye to yeh padhe [Bis-millahi Auwalahu w Aakhirahu ] aur dusri riwayato me is tarah hai [Bis-millahi Fi-Auwalihi w Aakhirihi ]

[Abu-Daud, Tirmizi Sharif ]

Hadith no 4:-  Abu-Daud ne Umaiya-Bin-Mahshi RA se riwayat ki, Kahte hain Ek Shakhs Be-Ghair Bis-millah Pashe khana kharaha tha Jab khaa chuka sirf ek luqma Baqui rah gaya, Yeh Luqma uthaya aur yeh kaha [Bis-millahi Auwalahu w Aakhirahu] To Rasool Allah SWL ne Tabassum farmaya Aur yeh farmaya ke Shaitan iske sath kharaha tha jab isne Allah ka name liya. Jo kuchh Shaitan ke Pet me tha Ugal diya.
[iske yeh matlab bhi hosakte hain ke Bis-millah na kahne se khane ki Barkat chali gayi thi Jab padha to wapas Aagayi.]

Hadith no 5:-  Hazrat-e-Huzaifa RA se riwayat hai kahte hain, Jab Hum Log Huzoor SWL ke sath khane me hazir hote to jab tak Huzoor shuru na karte Hath na Daalte.
Ek martaba ka waqiya hai ke Hum Huzoor ke pass hazir the Ek Ladki Daudti huwi Aayi, Jaise koi use Dhakel raha ho usne khane me haath daalne chaha  Huoor ne uska hath pakad liya. Phir Ek A'araabi Daudta huwa Aaya Jaise koi use Dhakel Rahah hai usne bhi apna haath badhana chaha to Huzoor SWL ne pakad liya. Aur farmaya ke jab khane par Allah ka name nahi kiya jaata, wah khana Shaitan keliye halaal ho jaata. Shaitan us Ladki ke sath aaya ke uske sath khana khaye main ne uska hath pakad liya. phir us A'arabi ke sath Shaitan aaya uske hath ko bhi pakad lilya. Qasam hai us zaat ki jiske Dast-e-Qudrat me meri jaan hai uska hath inke hath ke sath mere hath me hai. Uske baad Huzoor SWL ne Allalh ka name zikr kiya [yaani Bis-millah] Aur khana khaya.

Hadith no 6:-  Huzoor [swl] ne Farmaya. Ke Jis Khane Par Allah Ke Name Zikr no kiya ho. wah Bimaar hai, aur usme Barakat nahi hai. Aur Uska Kaffara yeh hai ke Agar Abhi Dastar-Khan nahi uthaya Gaya Ho, To Bis-millah Padh kar kuchh khale. aur Dastarkhan uthaliya gaya ho to Bis-millah padh kar ungliyan chaat Le.

Zahirila Khana Asar Nahi Karta Is Dua Ke Baad.

Hadith no 7:-  Huzoor Sarkar-e-Mustafa SWL ne farmaya. Jab Khaye Ya Kuchh Piye to yeh Padhle [Bis-millahli W-Billahil-Ladi Laa Yad-Duru Ma'a-smihi Shai-un Fil-Ardi W-Laa Fis-samaa-i Yaa HaiyuYaa Qaiyum] Iske Padhne se koi Bimaari Nahi Hogi Agar-che Usme Zahar mila huwa ho.

Kis Hath Se Khana Pina Chahiye.

Hadith no 8:-  Ibn-Umar Radi Allahu Anhuma se marwi hai, ke Rasool Allah SWL ne farmaya Jab khana khaye to Dahin [Right Hand] se Khaye Aur Paani piye to Dahine hath se piye.

[Saheeh Muslilm]

[saheeh muslim me unhi se marwi hai] ke Huzoor SWL ne farmaya Koi Shakhs na Bayen Hath [ Left Hand ] se khana khaye na Paani piye. Kunke Bayen hath se khana pina Shaitan ka Tariqa hai.

Aur Huzoor swl ne left hand se lena dena bhi mana farmaya. Isliye ke Shaitan Bayen se len-den ka kaam karta hai.

Kitni Ungliyo Se Khana Tanawul Karna Chahiye.

Hadith no 9:-  Ibn-Najjar ne Abu-Horera RA se riwayat ki,ke Nabi Kareem SWL ne farmaya ke Teen Ungliyo [Tree fingers] se Khana Anbiya Alaihis-Salam ka tariqah ha.
Aur Hakeem ne Ibn-Abbas Radi Allahu Anhuma se riwayat ki Ke Huzoor ne farmaya ke Teen Ungliyo se khao, ke yeh Sunnat hai, aur pancho ugnliyo [with five fingers] se na khao. ke A'raab [Ganwaro ] ka tariqah hai.

Aur Hakeem ne Ibn-Abbas Radi Allahu Anhuma se riwayat ki Ke Huzoor ne farmaya ke Teen Ungliyo se khao, ke yeh Sunnat hai, aur pancho ugnliyo [with five fingers] se na khao. ke A'raab [Ganwaro ] ka tariqah hai.

Khane Ke Baad Kya Padhna Chahiye.

Hadith no 10:-  Abu-Umama RA se marwi hai, ke jab Dastar-Khan Uthayaa jataa Us waqt Nabi Kareem SWL yeh padhte the. 

[Alhamdu Lil-Laahi Hamdan Kaseeran Tayibam-Mubarakan Feehi Ghaira-Makfiyi Walaa Muwad-d-in Walaa Musta-ghna Anhu Rabbuna ]

[Saheeh Bukhari Sharif]

[Tirmizi, Abu-Daud, Ibn-Majaa] Rasool Allah SWL Khane ke baad yeh padhte. [Alhamdu-Lillahil-Ladi At'amanaa W-saqanaa W-ja'alanaa minal-Muslimeen.]

Hadith no 11:- Ibn-Majaa ne Anas RA se riwayat ki ke farmaya. Jo yeh pasand kare ke Allah Ta'alaa uske ghar me Kair ziyada kare. To Jab khana hazir kiya jaaye, Wuzoo kare Aur jab uthaya jaye us waqt wuzoo kare [Yaani Hath Munh Dho Le.]