Hazrat-e-Sulaiman Ka Faisla "Insaaf" .
Hazrat-e-Daud Alaihis Salam Jinko Allah Taala ne is Duniya mein Apne Bandon Ki Hidayat keliye Nabi/Paighambar Banakar Bheja, Aur chaar Aasmani Mashhoor Kitabon mein se ek Zaboor Sharif Hazrat-e-Daud Alaihis Salam ko Diya.
Hazrat-e-Daud Alaihis Salam ki Adaalat "court" mein Faisla Keliye 2 Aadmi Aaye, Pahla ne Kaha Uski Bakriyan Raat Ko mere khet mein ghoons gayi Aur Sara khet khaa Liya hai. Hazrat-e-Daud Alaihis Salam ne yeh Faisla Diya ke sab Bakriyan Khet wale ko dedi jaaye Un Bakriyon ki Qimat kheti Nuqsaan hone Barabar thi. Ye Faisla sunkar jab Dono wapas jaane lage to Raaste par Hazrat-e-Sulaiman se Mulaqaat Hogayi. Un Dono Shakhs ne Sulaima Alaihis Salam ko Daud Alaihis Salam Ka Faisla sunaya. To Hazrat-e-Sulaiman Alaihis Salam ne Farmaya ke is Faisla se Behtar Ek Aur Faisla Bhi hai. Us waqt Hazrat-e-Sulaiman Alaihis Salam Ki Age/ Umar Sharif 11 years ke the.
Hazrat-e-Daud Alaihis Salam Hazrat-e-Sulaiman ke Waalid/ Father the. jab Apne sahebzade Ki ye baat suni to unko bulayaa Aur Farmaya Beta wah Kaunsa Faisla Hai Jo Behtar Hai. Hazrat-e-Sulaiman Alaihis Salam ne Farmaya ke wah yeh hai ke Bakriyon wala us khet ki kasht (Yaani kheti ki hifazat) kare Aur jab tak kheti us haalat ko pahunche his haalat mein Bakriyon nebkhayi hai Us waqt tak kheti wala Bakriyon se faida uthaye air kheti us haalat ko pahunchne ke baad kheti wale ko kheti wapas Kar Di jaaye. Ye Faisla Daud Alaihis Salam ne bhi Pasand Farmaya.
[Qur'aan Kareem Para 17 Ruku 06] [Ruhul-Bayaan Page 652 Editions 02 ]
Hazrat-e-Daud Aur Hazrat-e-Sulaiman SWL ke ye Dono faisle se azruye Ijtihaad the. Is waqiya se pata Chala ke Ijtihaad karna Anbiya SWL ki sunnat Hain.